Kuch Baatien Khudh Se Bhi Chuppaye Bethi Houn
Mein Na Jaaney Kia Kia Bhulaye Bethi Houn
Arsa E Daraz Se Mein Roz Shab Apney
Dar Par Nazraein Tikkaye Bethi Houn
Yaaad Hee Nai Kab Se Magar Aaj Bhi
Mein Tere Aaney Ki Umeed Lagaye Bethi Houn
Tere Intezaar Mey Kant Rahey Hain Din O Raat
Mein Har Shaam O Sehr Ka Hissaab Lagaye Bethi Houn
Kahein Koi Tujh Par Ungli Na Utha Lae
Issi Liye Har Mehfil Muskaraye Bethi Houn
Sawaalat Chahye Jitnay Houn Mujhse
Mein Kahan Koi Jawab Liye Bethi Houn
Mere Bhi Kitnay Khwaab Kitnay Armaan Thay
Par Aaj Sab Khaak Banaye Bethi Houn
Ek Din Tum Milo Gaye Toh Dekhaoungi Tumko
Kitnay Nasoor Dil Mey Sajaye Bethi Houn
Kab Khatam Hoga Ae Khudha Yeh Safar Mera
Mein Yeh Kiss Shakhs Ki Aas Laagaye Bethi Houn