Duniyaa mein kaun na yak baar ho

1 Star2 Stars3 Stars4 Stars5 Stars (1 votes, average: 5.00 out of 5)
Loading...
Shared by : On :

Duniyaa Mein Kaun Kaun Na Yak Baar Ho Gayaa
Par Muunh Phir Is Tarf Na Kiyaa Us Ne Jo Gayaa
Phiratii Hai Merii Khaak Sabaa Dar-Ba-Dar Liye
Aye Chashm-E-Ashkabaar Ye Kyaa Tujh Ko Ho Gayaa
Aagaah Is Jahaan Men Nahiiin Gair Be Khudaan
Jaagaa Wahii Idhar Se Jo Muund Aankh So Gayaa
Tuufaan-E-Noah Ne To Dubaaii Zamiin Faqat
Main Nang-E-Khalq Saarii Khudaaii Dubo Gayaa
Baraham Kahiin Na Ho Gul-O-Bulbul Kii Aashatii
Darataa Huun Aaj Baag Men Wo Tund Khuu Gayaa
Waaiz Kise Daraawe Hai Yom-Ulhisaab Se
Giriyaan Meraa To Naamaa-E-Aamal Dho Gaya
Phulenge Is Zabaan Men Bhii Gulzar-E-Maarafat
Yaan Main Zamiin-E-Sher Men Ye Tukhm Bo Gayaa
Aaya Na Aitadaal Par Haragiz Mazaaj-E-Dahar
Main Garche Garm-O-Sard-E-Zamaanaa Samo Gaya
Aye “Dard” Jis Kii Aankh Khulii Is Jahaan Men
Shabanam Kii Tarah Jaan Ko Apanii Wo Ro Gayaa